ᲐᲜᲓᲠᲔᲐ ᲑᲐᲠᲫᲐᲚᲘ: "ᲛᲘᲚᲐᲜᲘᲡᲗᲕᲘᲡ" ᲒᲐᲓᲐᲛᲬᲧᲕᲔᲢᲘ ᲤᲐᲥᲢᲝᲠᲘ ᲔᲡ ᲘᲥᲜᲔᲑᲐ"

ტურინის "იუვენტუსისა" და იტალიის ეროვნული ნაკრების ყოფილმა მცველმა, ანდრეა ბარცალიმ Corriere dello Sport-თან იტალიის საჩემპიონო რბოლაზე ისაუბრა და "მილანის" გაჩემპიონების მთავარი ფაქტორი დაასახელა:

"როგორც მეგობარი და მისი თამაშზე შეყვარებული, ვიტყვი, რომ "მილანისთვის" გადამწყვეტი ფაქტორი ზლატანია, რადგან მენტალიტეტი და გამოცდილება, რომელსაც ის გუნდს აძლევს, შეუფასებელია.

გარდა ამისა, გამოვარჩევ რაფა ლეაოსა და ოლივიე ჟირუს. გადამწყვეტ მატჩებში მათი კარგ ფორმაში ყოფნა სტეფანო პიოლისათვის ძალიან მნიშვნელოვანი იქნება".