ჯანო ანანიძემ კარიერის დასრულება გადაწყვიტა...

ბოლო პერიოდში ბათუმის "დინამოს" განაცხადში ჯანო ანანიძის გვარი აღარ გვხვდებოდა, აჭარული კლუბის შემადგენლობაში მიმდინარე სეზონში ჯანომ 5 შეხვედრაში მიიღო მონაწილეობა, აქედან 4-ჯერ შეცვლაზე შევიდა. ბოლოს იგი ბათუმელთა განაცხადში "სამგურალთან" მატჩში იყო და 15 წუთი ითამაშა.

რუსული გამოცემა "სპორტ-ექსპრესის" ინფორმაციით, ჯანო ანანიძემ გადაწყვეტილება მიიღო და უახლოეს პერიოდში კარიერის დასრულების შესახებ განცხადებას გააკეთებს - ქრონიკულმა ტრავმებმა და ტრავმის რეციდივებმა ჯანოს არ მისცა მაღალ დონეზე თამაშის საშუალება და ფეხბურთელმა კარიერის დასრულების გადაწყვეტილება მიიღო - წერს გამოცემა...