ჰაიდენჰაიმი ვოლფსბურგთან დამარცხდა - ზივზივაძე ძირითად შემადგენლობაში იყო

ბუნდესლიგის პირველ ტურში, ბუდუ ზივზივაძის ჰაიდენჰაიმმა შინ ვოლფსბურგი მიიღო და 1:3 დამარცხდა.

ანგარიში სტუმრებმა მე-20 წუთზე გახსნეს. თავი ანდრეას სკოვ ოლსენმა გამოიჩინა. წონასწორობა 29-ე წუთზე აღდგა. ამჯერად ლეო სკიენზა იყო შედეგიანი. ვოლფსბურგი 66-ე წუთზე მატიას სვანბერგის გოლით კვლავ წინ გავიდა. მატჩის საბოლოო ანგარიში კი, 87-ე წუთზე მუჰამედ ამურამ დააფიქსირა.

მასპინძლების რიგებში ძირითად შემადგენლობაში იყო საქართველოს ნაკრების ფორვარდი, ბუდუ ზივზივაძე. ბუდუმ მოედანზე 70 წუთი დაჰყო. sofascore-ის მონაცემებით ქართველმა 6.7 შეფასება მიიღო.

ჰაიდენჰაიმი შემდეგ ტურში ლაიპციგს დაუპირისპირდება. მატჩი 30 აგვისტოს, რედ ბულ არენაზე გაიმართება.